Престанокот со работа на американската Aдминистрација поради немањето буџетски средства ја нарушува довербата на сојузниците кон САД и тие почнуваат да си поставуваат прашања, изјави американскиот министер за одбрана Чак Хејгл за време на посетата на Јужна Кореја.
– Ова сериозно го нарушува авторитетот на САД од гледна точка на нивните сојузници. Ова влијае врз нашите мисии низ светот. Ова влијае врз нашите сојузници кои се прашуваат за нашиот ангажман, предупреди Хејгл, непосредно откако беше соопштено дека дел од службите на федералната влада ја прекинуваат работата.
По Јужна Кореја шефот на Пентагон ќе ја посети Јапонија. Неговата турнеја има за цел да го нагласи ангажманот на САД во регионот, по повиците на Сеул упатени до Вашингтон да ги остават јужнокорејските вооружени сили под своја команда за време на војна – пракса која е предвидено да заврши во 2015 година.
Според владејачките конзервативци во Јужна Кореја, американската команда е најдобрата гаранција дека Вашингтон ќе го заштитува Сеул од заканата од страна на Пјонгјанг.
Хејгл денеска уверуваше дека американската армија е способна да ја изврши својата задача во однос на гарантирањето на безбедноста на САД и ќе ги зачува своите сојузи и војници во Јужна Кореја и Јапонија.
Тој посочи дека правниците на Пентагон и натаму се обидуваат да најдат решение за зголемувањето на бројот на цивили, кои нема да бидат присилени да земаат неплатен одмор.
До буџетската блокада во САД, првата по 17 години, дојде откако републиканците, кои имаат мнозинствово Претставмничкиот дом, и демократите, кои, пак, го контролираат Сенатот не постигнаа договор за државниот буџетот за новата фискална година, што почна денеска,
– Ова е апсолутно неодговорно и не требаше да се случи, подвлече Хејгл, кој е поранешен сенатор од редовите на Републиканската партија.