Хаос во Скопје: Бездомните кучиња се котат и хранат по гробови, граѓаните искасани

Од:

Хаос со бездомните кучиња му се случува на Скопје. Секоја населба, село, но и централното градско подрачје се преплавени од напуштените кучиња. Поради тоа што не се стерилизирани, што е обврска на ЈП „Лајка“, граѓаните се сведоци дека има експанзија и на нови кучиња. Според едно од сведоштвата, и гробиштата во Бутел се преполни окучени, со шуга и нетретирани кучиња. Има и дваесетина мали кутриња, кои спијат по гробовите и јадат од храната која верниците ја оставаат. Дополнително, помош добиваат од активистите.

Се повеќе револт има и од скопјани кои се нападнати од бездомни кучиња. „А1он“ се обиде за оваа состојба да добие став и од Радмила Пешева, в.д. директорка на „Лајка“, но таа не одговори на нашиот повик. Фотографиите до кои дојде „А1он“ дополнително потврдуваат дека состојбата со уличните кучиња во Скопје не е на завидно ниво. За состојбата се запознаени во „Лајка“, чија надлежност е заловувањето, кастрирањето, грижата за бездомните кучиња. Реакција до овој момент – нема.

Пријави за каснувања од кучиња може да се прочитаат и во дневните билтени на полицијата, по пријави во различни општини. Дел од граѓаните се револтирани и за нападите објавуваат на социјалните мрежи. Инструкторот по трчање Кокан Ајановски објави извештај од кој се гледа дека девојка од каснување на куче имала 4-5 рани и една поткожна од 4-5 сантиметри. Тој состојбата во Скопје ја оценува како небезбедна.

„Крајно небезбедно е  какво било движење, а да не зборуваме за трчање. На кеј и во парк никогаш немало повеќе. И не биле опасни. Еве чист доказ вечерва што ѝ се случи на една девојка од нашиот клуб. Во Градски парк одела пеш кон автомобилот паркиран веднаш до Градско собрание и ја нападнало куче, почнало да ја гризе насекаде по нозете и кон задникот, едвај се спасила. Секој ден кога трчаме на кејот и во паркот  водиме борба со нив, а да не зборуваме дека има и многу деца итн. Многу ги сакам животните, но ова што се случува веќе со години е крајно неприфатливо и не знам што треба да се случи за некој да преземе нешто и да се стави ред еднаш засекогаш. Срамота!“, пишува Ајановски.

Јавното претпријатие „Лајка“ беше основано во време кога со Град Скопје раководеше градоначалникот Петре Шилегов. Целта е хумано третирање на бездомни животни, односно кучиња, нивно заловување и враќање на локацијата од каде што се земени по нивна ресоцијализација. Исто така, во ова претпријатие се пријавуваат кучиња кои се агресивни, а најчесто, поради претходни трауми од тепање и малтретирање.

Би можело да ве интересира

Општини за еднодневен престој на куче во прифатилиште плаќале за 244 отсто повеќе од просечната цена

Орце Костов

Тим на „Лајка“ спаси куче паднато во Вардар

Tри борбени кучиња во Австрија убија жена, сопственичката на животните е осудена

Отворен ден во Лајка: Вашиот мелез е единствен и уникатен

А1он

„Лајка“ со апел: Стоп за петардите и пиротехничките средства, подадете храна на бездомните животни

Жител од селото Зајас организирал борби со кучиња