Денеска утре и во петок од Цирих и Базел во Скопје слетува по еден авион од редовната линија, но во сабота покрај редовните три авиони од Швајцарија во Охрид ќе слетаат уште шест авиони со чартер линии.
Идентична е ситуацијата и на 24 март. Од Цирих во Скопје слетуваат два редовни авиони, а во Охрид шест чартери, јавува телевизија Телма.
Од агенцијата „Њу момент“ за Телма велат дека не ја исклучуваат можноста да има ненајавени промени на летовите.
Според телевизијата, политичките партии очигледно вложувале многу во гласовите од дијаспората.
Тоа се гледа во бројот на летови со кои луѓето од дијаспората ќе долетаат пред или на денот на изборите.