Кратко време во текот на денов беше хакиран сајтот на Курир, од како што беше наведено „Илирида“, со порака дека Охридскиот мировен договор не е исполнет и време е за нов договор.
Во соопштението истакнато на хакираната страна на Курир пишуваше дека историјата се повторува кога власта не сака да учи од неа.
-Охридскиот договор одигра историската улога за прекин на непријателствата, а сега е должност на сите политички партии да се заложат за решавање на отворените прашања и нерешените политички и национални прашања во Македонија. Ова може да се постигне само преку конструктивен дијалог, со помош на меѓународните демократски сили да се најдат форми и начини за решавање на нови проблеми без крвопролевање.
Затоа, како и вчера и денес, Македонија се соочува со отворен етнички конфликт. Ова не е демократска држава и како таква нема иднина. Иднината на Македонија е само во демократска децентрализација на централната влада, која се изразува преку концептот на регионална автономија, федерација или конфедерација.