Фејсбук профилот на кандидат за градоначалник на општина во која се спроведува вториот изборен круг, а кој на првиот круг освои поголем број гласови од неговиот противкандидат, е хакиран денеска и на неговиот времеплов се постирани коментари со навредлива содржина.
Интервенирано е во пораката која стои како насловна на профилот и наместо зборот победа, стои зборот беда, а во постовите се коментира дека кандидатот е предавник на својата идеологија и дека се договорил со власта за исходот од вториот изборен круг.
Затоа што сé уште трае изборниот молк, името на кандидатот и на политичките партии ќе ги објавиме по истекот на молкот во 19 часот.