Македонскиот премиер Никола Груевски телефонски разговарал со претседателот на српската Влада Александар Вуќиќ за состојбите со катастрофалните полави што ја зафатија Србја, како и за потребите и можностите за поддршка.
Груевски истакнал дека Македонија во секој момент и во најбрз можен рок е подготвена за давање помош на Србија во рамки на нејзините ресурси и можности.
Двајцата премиери, како што информираат од владината прес-служба, договориле натамошната комуникација и координација за сите потребни активности да ја преземат македонскиот министер за транспорт и врски Миле Јанакиески и српскиот министер за внатрешни работи Небојша Стефановиќ.