Премиерот Никола Груевски не е изненаден од ставовите на СДСМ и на нивниот лидер Бранко Црвенковски искажани по вчерашниот отчет по повод една година од формирањето на Владата.
„Не очекував СДСМ да излезе со пофалба и Бранко Црвенковски да излезе и да каже браво сте сработиле над 300 проекти сте започнале над 400 други проекти. Човекот толку проекти во целиот свој животен век како политичар нема остварено. Така што него тоа му се гледа како нешто неважно, како нешто што никој нема да го забележи, затоа што тој политиката ја сфаќа на друг начин“, рече премеирот Груевски.
Политиката, додаде, ја сфаќа со празна демагогија, со фоскули, со бомбастични најави кои што не се остваруваа со обвинувања, со сплетки, со игри, со шахови, со чуда.