Кога е во прашање Струга не треба да се зборува за Бранко, Љубчо, Никола, СДСМ, ВМРО-ДПМНЕ, ДОМ или некоја трета партија, нема простор за кавги и пофaлби. Овде има само еден и единствен приоритет, а се друго треба да го ставиме на страна и да го заборавиме, порача Груевски од Струга, од каде ја повика СДСМ и сите други партии да го поддржат нивниот кандидат за градоначалник.
„Ги повикувам сите граѓани на Македонија без разлика на нивната етничка припадност, без разлика дали се ВМРО-ДПМНЕ или СДСМ, да го изберат најдоброто решение, да го изберат човекот кој по сите јавни истражувања и анкети важи за човек со многу висока доверба и авторитет и кредибилитет, за работник, за човек кој исполнува се што е потребно да биде избран за градоначалник на Струга, д-р Владо Кочовски. Ова е човекот кој нема да ги дели граѓаните по партии и етникуми“, рече Груевски.
Груевски рече дека оти до сега имало кочници во однос на реализацијата на одредени инфраструктурни проекти наменети за Струга и затоа преминале во опозиција во овој град.
„Сега е време да се обединиме, да постигнеме заеднички нови дела од корист на народот. Со заеднички сили и ние од ВМРО-ДПМНЕ и од СДСМ и Македонците и Албанците, Турците, Ромите, Власите да го дадеме својот глас за нови дела и нови успеси за човекот кој знам дека тоа може да го испорача.
– Со проектот Македонија 2017, Струга 2017 година секој град ќе добие нов модерен и урбан лик, и затоа и Струга нека биде меѓу нив. Затоа и Струга нека биде онаа за која во 2017 ќе кажеме дека е променета многу кон подобро.Потребно е на 24 март стружани масовно да излезат“, рече Груевски.
Мики Трајковски