Премиерот Никола Груевски попладнево на крајот од еднодневната официјална посета на Република Хрватска, имаше средба со претставници на Заедницата на Македонци во Хрватска.
Груевски, јави известувачот на МИА, ги информираше за средбите со државниот врв на Хрватска, за актуелната политичка и економска состојба во државата, како и за реформите што ги прави Владата.
Обраќајќи се пред присутните, рече дека сака да ги слушне да го информираат како функционира македонската дијаспора во Хрватска.
Од нивната страна беше посочено дека секаде и во секоја прилика ја негуваат македонската култура и традиција во Загреб и во цела Хрватска.
Инаку, Заедницата на Македонците делува преку шест друштва во Хрватска, финансирани до хрватската Влада.
