Премиерот Никола Груевски денеска во Будимпешта ќе оствари средба со унгарскиот премиер Виктор Орбан.
Во рамки на посетата на Унгарија, премиерот Груевски заедно со министерот за привлекување на странски инвестиции, Бил Павлески, министерот за економија Ваљон Сарачини и заменик директорот на Агенцијата за странски инвестиции и промоција на извозот, Кристијан Делев синоќа на бизнис форум во унгарскиот главен град ги претстави поволностите кои Македонија им ги нуди на странските инвеститори за отворање и реализација на бизнис.
Бизнис форумот се организираше во соработка со Комората на меѓународни компании. Владините претставници поволностите за инвестирање во Македонија ги презентираа пред повеќе од 70 претставници на крупни мултинационални компании кои имаат инвестиции во Унгарија.