Партиите ги доставија листите со кандидати за пратеници до ДИК.
ВМРО-ДПМНЕ пред истекот на рокот, ги поднесе листите кои ги потврди Централниот комитет, откако претходно биле усвоени од Извршниот комитет.
Никола Груевски се одлучи за директно соочување со лидерот на СДСМ во четвртата изборна единица. Тука се кандидира и екс разузнувачот Слободан Богоевски Љупчо Георгиевски.
Никола Поповски ќе ја предводи единицата, носител во втората изборна единица ќе биде Никола Тодоров, Илија Димовски во тројката, Антонио Милошовски во петката, а Влатко Ѓорчев во шестата изборна единица.
„Листите се составени од лица кои уживаат голема доверба кај граѓаните. Овие се листи со кои што ДПМНЕ ќе освои 63 пратеници. Ова е најголемата коалиција од 25 партии“, велат од ВМРО-ДПМНЕ.
Груевски непосредно пред истекување на рокот за доставување на листите со кандидати до ДИК на својот Фејсбук профил напиша:
“Како кандидат за премиер, го очекував во ИЕ1. Не дојде. Во 2014-та го немаше на ниту една листа. Сега ја одбра 4-тата изборна единица. Затоа јас решив да ја предводам изборната единица која тој ја одбра. Освен што цела Македонија ќе треба да се одлучи за премиер помеѓу нас двајцата, граѓаните во 4-ката ќе имаат можност и директно да одберат помеѓу мене и него. Време е, заедно со народот, да го соочам со реалноста и директно да го победам. После се што се случи, да го добие одговорот од народот за тоа што и го направи на Македонија”.