Претседателот на Комисијата за европски прашања на Собранието, Артан Груби, неделава ќе претстојува во дводневна посета на Брисел.
Претеникот Груби ќе учествува на тркалезна маса на тема: „Западен Балкан на раскрсница: Нови предизвици, сменета динамика„, што се оддржува во Брисел, на покана на „Пријатели на Европа“ и на Европскиот Самит за европска политика.
На конференцијата, меѓу другите, ќе учествуваат премиерот на Албанија Еди Рама, директорот за европска и соседска политика и проширување на Европската комисија Кристијан Даниелсон, како и Ајсе Кихан Султаноглу, асистент на Генералниот секретар и регионален директор за Европа и за Комонвелтот на независни држави (ЦИС) и на УНДП.
Исто така, Груби, по покана на неговите колеги од Европскиот Парламент ќе учестувува и на Европскиот молитвен појадок на 6 декември каде што ќе се сретне со повеќе високи учесници.
Во рамките на посетата на Брисел, Груби ќе реализира посебни средби и со европратениците Иво Вајгел, Едуард Кукан, и Кнут Флекенштајн, како и со Давид Кулен, од Европската Комисија, одговорен за подготовка на извештајот зa Македонија и Косово и со Едвард Ауер од канцеларијата на Федерика Могерини.