Пратеникот од редовите на ДУИ, Артан Груби на прес конференција пред медиумите презентираше слики на кои може да се види како поранешниот министер за надворешни работи, а сега пратеник од редовите на ВМРО-ДПМНЕ, Антонијо Милошоски е дел од студентските протести, кои протестираа против албанскиот јазик, при што повикуваа на гасна комора за Албанците и извикуваа „Мртов шиптар, добар шиптар“.
– Истиот овој Милошоски сега во Собранието на РМ пред пратениците и јавноста се декларира како демократ, криејќи се под пратеничкиот имунитет, ја користи собраниската говорница, да говори лаги и невистини против ДУИ, само поради тоа што на 29-ти јануари ДУИ одлучи да не коалицира со неговата партија, рече Груби.
На новинарското прашање кој предлог закон за јазиците е подобар за ДУИ и Албанците, дали овој сега или оној пред 29-ти јануари, Груби одговори дека решенијата во овие два предлози се сосема исти.
Виктор Јованов