Првиот заменик претседател на Владата на Република Северна Македонија и министер за политички систем и односи помеѓу заедниците Артан
Груби денеска ја оствари првата средба со албанскиот амбасадор во нашата земја Фатос Река.
Амбасадорот Река, како што информираат од кабинетот на Груби, во име на премиерот и претседателот на Република Албанија, му упати честитки на Груби за формирањето на Владата и за неговото именување во новата функција, посакувајќи му притоа успешна работа.
Река, се вели во соопштението, посочил дека нашите земји, традиционално имаат добри односи и дека истите треба да се продлабочат уште повеќе низ разни свери.
Република Албанија и Република Северна Македонија, како земји членки на НАТО Алијансата, ќе се заложат за реализација на заедничките проекти, а исто така, тој ја нагласи и соработката во полето на реализицијата на реформите за зачленување во Еворпска Унија.
Првиот вицепремиер Груби, информираат од неговиот кабинет, на средбата со Река се заблагодарил за честитките и за поддршката од официјална Тирана, истовремено изразувајќи подготвеност за продолжување на меѓусебната соработка.
Груби и Река, меѓу другото, дискутирале и за взаемната соработка и споделување на добри практики.