Без струја се жителите на Центар и околните населби кои со струја се снабдуваат од трафостаницата Југ-нова, оти гром удрил во далновод и ја оштетил мрежата. Од ЕВН велат дека работат на премостување, за жителите кај кои има прекин, веднаш да добијат струја од друго место.
„Заедно со МЕПСО се работи на откривање на дефектот. Според очевидци, оштетувањето настанало од гром, но се уште се работи на точно лоцирање. Веднаш штом се утврди, дефектот ќе биде поправен. Корисниците кај кои има прекин во скоро време ќе добијат струја оти паралелно се работи на нивно поврзување на други трафостаници“, велат од ЕВН за „А1он“.
Очевидци јавуваат дека забележале експлозија откако гром удрил во 110 киловолтен далновод.