Претседателот на Владата на Република Македонија Никиола Груевски на денешната 55. собраниска седница врз основа на неговите ингеренции, како што рече, предложи тројца нови министри на три различни позиции, чии што биографии им беа поделени на пратениците.
– Сметам дека врз основа на нивното образование и досегашно работно и професионално искуство овие предлози за нови министри ќе можат успешно да ја спроведат програмата на Владата 2011-2015 година, а со тоа и успешно да ја извршуваат функцијата министри во Владата, рече Груевски и побара предлозите да бидат прифатени од пратениците.
Веднаш по обраќањето на премиерот Греувски, претседателот на Собранието Трајко Вељаноски, даде едночасовна пауза, по што ќе продолжи 55.седница.
Собранието денеска се очекува да го изгласа Фатмир Бесими за вицепремиер за евроинтеграции, Талат Џафери за нов министер за одбрана, додека на местото министер за локална самоуправа Тахир Хани.
Пратениците треба да се изјаснат и за замениците министри за внатрешни работи, за транспорт и врски, и за финансии, на кои функции според предлогот на премиерот Никола Груевски, ќе бидат Земри Ќамили, Џељаљ Бајрами и Ардиан Џеладини.
