Три часа од 9 до 12 часот денеска без вода и струја ќе бидат граничниот премин Богородица и објектите кои гравитираат околу него.
Од контролниот енергетски центар на ЕВН во Гевгелија информираа дека поради редовни проверки на трафостаниците, три часа без струја и без вода поради прекин на работата на пумпите од бунарското подрачје „Вардар“ ќе останат казината „Принцес“, „Сенатор“ и „Фламинго“ конзервната фабрика „Пајдаков“, бензинските пумпи „Лук оил“, „Макпетрол“ и „Шимов“, како и населените места Богородица, Стојаково и Селемлија.