Законот за граѓанска одговорност, навреда и клевата кој владата во итна постапка има намера да го донесе е вовед во цензура. Вака реагира граѓанскиот сектор од каде што бараат законот да се врати на почеток и да се составо нов со широки консултации.
Од граѓанскиот сектор повикаа дека сите што ќе гласаат за законот ќе бидат соучесници во цензурата.
Со законот се предвидуваат високи казни за наводна клевета, страв од демократска интернет комуникација, каде секој може да си го каже својот став и можност од забрана за работа на портали.
Уранија Пировска од Хелсиншкиот Комитет вели дека целата постапка која е поврзана со овој закон, е направена на крајно нетранспарентен начин, без да биде консултирана јавноста или пак граѓанскиот сектор, а згора на сè, ако биде изгласан, во ваквата варијанта како што е напишан и доставен до Собранието, ќе има голема реперскусија за слободата на изразување.