Општина Аеродром денеска почна со доизградба на пешачката патека „Тоше Проески“ од Ново Лисиче кон населбата „Јане Сандански“. Истовремено ќе се обнови и веќе постојната пешачка патека.
Пешачката патека со широчина од 7 метри ќе содржи два краци од кои едниот е долг 552 метри, а другиот 252 метри.
Постојната, како и новата пешачка патека ќе бидат поплочени со гранитни плочи, ќе бидат комплетно осветлени, ќе се постави урбана опрема, поточно клупи и канти за отпадоци, а ќе биде изграден и сопствен систем за наводнување на зеленилото околу патеките. Времето предвидено за изградба е три месеци.
Граѓаните пак имаат свое гледање на ова. Еве ги коментарите објавени на ФБ:
- Половина зеленило отиде. Не ни мораше да се шири оваа улица.
- Ставете клупи и лилашки, чешми каде што нема, а не да уништуватезеленило.
- Не знам која е таа пуста потреба на оваа власт да сече дрва и да уништува се што е природа.
- Зашто вакви коментари нема за Детската Улица во Ново Лисиче? Ова е тој македонски менталитет, за се што се гради, да се плука по тоа, а трагичното е што баш таквите утре со своите деца ќе шетаат на таа детска улица најмногу!
- Што не ги прашате децата дали сакаат парки или скапи гранитни плочки?
- Најтрагичното е што за разлика од Ново Лисиче каде зелениот простор е поширок и има место за детската уличка…во делот на Аеродром зградите се повнатре во зеленилото изградени…и кога ќе сместиш меѓу нив детска уличка од 7 метри ќе нема веќе зеленило…туку мали тревничиња. А што ќе се случи со паркинзите и кошаркарското игралиште? Ќе се рушат ли?
- Со цел памет уништувате зеленило?
- Која глупост!
- На кој му текна ова, секоја чест. Во дел каде што на 5 метри ширина има патеки, сега ќе се прави уште една, тотално непотребна 7 метри широка патека
- 7 метри широчина…Детска улица е ова или детски булевар?
- Има еден тон патеки за шетање!