Градот Скопје денеска испрати помош за настраданите во поплавите што ја погодија Босна и Херцеговина.
Градот Скопје испрати две противпожарни возила од кои едното е опремено со моќни пумпи за испумпување на вода, како и екипа од шест пожарникари од Противпожарната бригада на Град Скопје кои ќе се вклучат во извлекување на настраданите.
Испраќањето на конкретната помош е направено во координација со властите во БиХ, откако Градот Скопје понуди помош за полесно справување со последиците од поплавите.
