Градоначалникот на Скопје, Петре Шилегов и неговиот домаќин, првиот човек на Тирана, Ерион Велиај, оцениле дека односите и соработката меѓу двете метрополи ќе бидат на едно ново ниво, ползувајќи го меѓусебното искуство.
– Многу сум ентузијаст во врска со фактот што премиерот Рама и премиерот Заев започнаа нова ера на соработка меѓу Албанија и Македонија, сега на ред се градовите, па така Скопје и Тирана треба да продолжат со истата енергија. Шефовите на владите, секако, имаат обврска да ги обединат нациите, а во градовите се движи животот, се одвива стопанскиот, трговскиот, културниот и уметничкиот живот, оценил Велиај, објави ТВ Топ Чанел, пренесува МИА.