Градоначалникот на Неготино Тони Делков денеска се сретна со лозарите кои веќе неколку дена протестираат пред винарската визба „Повардарие“, поради недоисплатени пари за предадено грозје во изминатите неколку години.
– Останувам доследен во заложбите за исполнување на барањата на лозарите, а тоа е исплата на парите за предаденото грозје од претходните реколти, рече тој, нагласувајќи дека останува до крај зедно со лозарите.
Според него, заедно со Владата, прават се што е во нивна моќ конечно лозарите да ги добијат своите пари.
– Пред некој ден бевме во посета на лозарите пред „Повардарие“ заедно со Ленче Николовска, советник за земјоделство на премиерот. Министерот за земјоделство, Љупчо Николовски оствари серија средби со структурите од „Повардарие“ и постојано се прават напори да се врши исплата на парите за откупеното грозје, информира Делков.
Посочо дека досега се исплатени средства од околу 2,3 милиони евра и се настојува останатиот дел од неисплатените средства ,во што е можно пократок рок да легне на сметка на лозарите.