Координативното тело на градоначалници на Скопје донесе одлука со која се предвидува да се предложат измени на законот за данок на имот, во насока на надминување на проблемот со непријавените имоти.
Како што изјави градоначалникот на Град Скопје, Коце Трајановски по денешната втора седница, со бараните измени би им се овозможило на службите на локалната самоуправа сами да имаат надлежност да евидентираат имот и да издаваат решенија за данок на имот.
Координативното тело на градоначалници на денешната седница констатира дека наплатата на данокот на имот за 2012 година изнесува околу 85 проценти.
На седницата е дискутирано и за предлагање за измени во постапките за поставувањето на урбаната опрема во Скопје, каде во моментов има поделени надлежности помаѓу градот Скопје и општините и истото предизвикува нејаснотии и збунетост кај корисниците на овие услуги.
