Советот на Град Скопје денеска, без присуство на опозицијата, ги усвои сите точки на дневниот ред, кои вклучуваа два извештаи и 9 одлуки. Извештаите го вклучуваат и извештајот за буџетот на Градот за 2012-та година, како и за извршениот попис на средства и извори на средства.
Меѓу одлуките поточно, беа и оние кои се однесуваат на давање согласност за завршните сметки на јавните претпријатија кои се во надлежност на Градот, како „Паркови и зеленило“, „Водовод и канализација“ и „Градски паркинг“.
Исто така, усвоени беа и одлуките за запишување на ученици во јавни средни училишта и прием на ученици во градски ученички домови во учебната 2013/2014 година.
Јасна Атанасова