„70 милиони денари од проектот „Скопје 2014“ ќе бидат пренаменети за изградба на енергетски ефикасни фасади во сите средни училишта во Скопје“, информираше градоначалникот Петре Шилегов.
Реконструкцијата на средните училишта е планирана да започне на 10-ти јуни и да трае се до почетокот на новата учебна година.
Покрај енергетски ефикасните фасади Шилегов најави дека ќе бидат поставени филтри за воздух во секоја училница во вкупно 23-те средни училишта.
Дополнителни 20 милиони денари се предвидени за доопремување на училиштата, обновување и уредување на внатрешната инфраструктура.
Шилегов најави и подобар пристап во училиштата за учениците со физичка попреченост преку поставување на рампи пред и во училиштата.
Виктор Јованов