Градос Скопје ја демантира веста „Се сечат здрави дрвја кај Собрание“, го проследуваме демантот во целост:
Градот Скопје ги демантира пишувањата на порталот А1он.мк со наслов „Се сечат здрави дрвја кај Собрание“ и ги оценува како паушални и непотврдени тврдења изнесени во текстот.
Градот Скопје реагира и на непрофесионалното однесување на авторот на посочениот текст, бидејќи истиот пред да ги изнесе информациите требало да се обрати до Град Скопје или до ЈП, Паркови и зеленило“ и да побара одговор.
Сакаме да Ве информираме дека во текот на изминативе денови, во силното невреме и поројните дождови, на повеќе локации во Скопје се скршија поголем број гранки од дрвјата коишто предизвикаа голема материјална штета, така што и во конкретниов случај станува збор за отстранување на паднати и искршени дрвја.
Во прилог Ви испраќаме фотографија од паднатото дрво од невремето.
Ви посочуваме во иднина пред да објавувате текстови да не контактитате за да добиете соодветен одговор и да не се доведувате во ситуација да ја дезинформирате јавноста.