Град Скопје ги награди најдобриот полицаец, пожарникар и крводарител за 2017-та

Од:

Заменик-градоначалникот на Град Скопје, Енвер Малиќи, денеска свечено ги додели наградите на најдобиот пожарникар, полицаец и крводарител на територија на град Скопје за 2017 година.

За најдобар пожарникар е прогласен Џеват Ибраими, командир на одделение во Бригадата за противпожарна заштита на Град Скопје, најдобар полициски службеник за 2017 година е Зоран Павловски, вработен во Одделението за безбедност на патниот сообраќај при СВР Скопје, а за најдобар крводарител е прогласен Зоран Стојменовски.

Пожарникарот Џеват Ибраими во текот на 2017 година се истакнал со особено ефикасно и успешно работење. Имено, во рамките на неговата работа учествувал во гаснењето на повеќе пожари и технички интервенции и придонел за намалување на материјалните штети, како и за спасување човечки животи.

Најдобриот полицаец за 2017 година, Зоран Павловски, во текот на 2017 година остварил надпросечни резултати и пожртвувано ги извршувал службените задачи.

Зоран Стојменовски е истакнат крводарител кој започнал да дарува крв во 1988 година, а до својата 52-ра година има дарувано крв 104 пати. Тој активно учествувал во сите редовни и вонредни крводарителски акции и неговата хуманост претставува пример и поттик за сите млади луѓе да бидат крводарители и да спасат човечки живот.

„Хуманоста е општествена вредност. Таа е дел од нашите принципи. Таа е дел од нашата етика. Скопје е Град на солидарноста и како таков ги негува традициите на хуманост и солидарност спрема сите оние на кои им е потребна помош. За таа цел Град Скопје дополнително ги мотивира оние што најмногу придонеле за промоција на хуманоста со своите дела“, истакна заменик-градоначалникот Малиќи.

Тој, исто така, им честиташе на добитниците и ја изрази својата надеж дека овие награди освен за лична мотивација ќе послужат и како добар пример во средината во која живеат и работат.

Би можело да ве интересира

(ФОТО) Паднати дрвја низ цело Скопје, ветрот правеше масакр по улиците

А1он

Невреме со силен ветер во Скопје – паднати кровови од згради во Чаир и во Ѓорче Петров

А1он

Мицкоски: Жена парк и улица Македонија кои за сите скопјани будат многу спомени, сега се во состојба во којашто не треба да бидат

Истражителите истражуваат смрт на двајца мажи на различни локации во Скопје

Горан Наумовски

Шукова ја објави својата кандидатура за градоначалничка на Скопје

Пожар во центарот на Скопје, седум лица побарале медицинска помош