Град Скопје реагира на информацијата објавена денеска со наслов Град Скопје усвои годишни сметки и одлуки без опозицијата.
Понатаму во текстот се вели:
“Советот на Град Скопје денеска, без присуство на опозицијата, ги усвои сите точки на дневниот ред, кои вклучуваа два извештаи и 9 одлуки. Извештаите го вклучуваат и извештајот за буџетот на Градот за 2012-та година, како и за извршениот попис на средства и извори на средства”.
Сакаме да Ве иформираме дека на 81-та седница на Советот на Град Скопје којашто се одржа денеска, присуствуваа и советници кои се членови на политички парии од опозицијата кои учествуваа во работата на Советот на Град Скопје.
Врз основа на евиденцијата на Одделението за поддршка на Советот на Град Скопје и Координативното тело на градоначалници, во работата на Советот на неговата 81-ва седница, учестваа советници од редовите на СДСМ, ЛДП, ВМРО-НП и на ДПА.