Гори во Конче и на Кожуф

Од:

Се уште не може да се совладаат огнените стихии кај селото Ракитец во општина Конче и на планината Кожуф, во реонот меѓу местата Чичикаја и Асан Чешма, соопшти Центарот за управување со криза .

Во пожарот кај Ракитец е зафатена нискостеблеста дабова шума. Во гаснењето интервенираат 30 вработени од Шумското стопанство од Радовиш, како и дел од локалното население.
На Кожуф, гори нискостеблеста шума и има зафатено мал дел од ела и бука. Пожарот е под контрола и нема опасност од негово проширување.

Пожарот меѓу Љубојно и Долно Дупени на повеќето места е локализиран, освен четири жаришта . На барање на ресенскиот градоначалникот во гаснењето на овој пожар денеска дејствувале и два противпожарни авиона. Опожарена е површина од околу 60 хектари сува трева, нискостеблеста и дел од дабова шума.

Локализиран е пожарот кај месноста Двата пата над Струмица, како и пожарите во валандовските села Казандол и Дедели, каде што на терен се оставени дежурни екипи од Шумското стопанство – Саланџак.

Изгаснат е пожарот кај село Нивичино, а десет лица од Шумското стопанство – Беласица го контролираат теренот.

Би можело да ве интересира

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место

Нов сомнеж за саботажа во Германија: Изгореа три градежни возила на градилиште на Рајнметал

Предраг Петровиќ

(ФОТО) Татко и син живи ќе изгореа во пожар во куќа во Белград – спасени во последен момент

А1он