Гори шума помеѓу селата Блаце и Чучер, еден крак од пожарот е изгаснат

Од:

Во општина Чучер Сандево, помеѓу селата Блаце и Чучер, каде гори мешана шума и ниска вегетација, екипите за гаснење се сè уште на терен и активно интервенираат. Еден крак од пожарот е пресечен и изгаснат, но останува уште еден активен крак кој се шири кон сосема непристапен ридско-планински терен, објавија од Центарот за управување со кризи.

-Интервенцијата е отежната бидејќи пожарот зафатил голема површина. Се вложуваат максимални напори за да се стави ситуацијата под контрола, стои во објавата на ФБ од ЦУК.

Во пожарот помеѓу село Блаце и село Чучер зафатена е мешана шума и ниска вегетација. За негово гаснење од утрово во пет часот ангажирани се два полициски хеликоптера, еден армиски хеликоптер, како и три возила на Дирекцијата за заштита и спасување – еден хермелин со цистерна, еден пинцгауер на и едно теренско возило „амарок”, дејствуваат како поддршка на скопската БППЗ (Бригада за противпожарна заштита Скопје) која со повеќе пожарникари и возила го гаси големиот пожар на отворен простор на територијата на општина Чучер Сандево над магистралниот пат Скопје – Блаце, кој изби вчера во попладневните часови.

Како што изјави утрово директорот на ДЗС Стојанче Ангелов, најверојатна причина за пожарот во оштина Чучер Сандево е фрлен отпушок од цигара од возило во движење или намерно потпалување.

-Од мое непосредно забележување можам да кажам дека овој пожар изби непосредно до магистралниот пат кон Блаце и можна причина е фрлен отпушок од цигара од возило во движење или намерно потпалување. Затоа, апелираме до граѓаните да се однесуваат совесно и никогаш да не фрлаат отпушоци од цигари надвор од возило, дури и тогаш кога се убедени дека се изгаснати, апелира Ангелов.

Би можело да ве интересира

Обвинителство бара притвор за подметнувачот на пожар кај брана Водоча

А1он

Активни се 14 пожари, четири се под контрола

Сѐ уште е активен пожарот во селото Нерав, и АРМ ќе се вклучи во гасењето

Поради пожарите, прогласена е вонредна состојба во Врање

Пожарот на планината Готен се очекува да се приближи до селото Јаргулица, во зависност од насоката на ветрот

(ВИДЕО) Турција во пламен, се огласи Ердоган: Подигнавме 27 авиони, 105 хеликоптери, десетици илјади луѓе…