Голем пожар вчера ја зафати боровата шума на подрачјето на општина Осломеј, меѓу селата Стрелци, Ново Село и Србица, но веќе е ставен под контрола.
Од синоќа досега се опожарени околу петнаесет хектари, претежно борова шума. Авионите на Дирекцијата за заштита и спасување извршија седум прелети, а цистерните работат непрекинато. Ангажирани се и шумското стопанство „Лопушник“, во гаснењето на пожарот, а се вклучи и месното население.
Двата противпожарни авиони на Дирекцијата за заштита и спасување денеска повторно се ангажирани од 6 часот утрово.