Гори борова шума на потегот од село Тажево до село Брезница, на граница на Националниот парк „Јасен“ во општина Македонски Брод.
За гаснење се ангажирани пет лица од Македонски шуми и вработени во Националниот парк „Јасен“.
Според ДЗС, избувна пожар во општина Чашка кој зафати нискостеблеста шума.
Пожарот во Општина Липково што избувна вчера е активен на местото Мала Пресица кон село Стрима. Теренот е непристапен, но состојбата се следи.
Според ДЗС, изгаснат е пожарот во село Радуша, општина Сарај. Дежурни екипи, шест пожарникари и две возила, се уште се на терен.