Се уште горат куќи во светиниколксо Патетино. Противпожарните екипи се обидуваат да го изгаснат пожарот, од кој изгореа триесетина куќи.
Пламените јазици, потпомогнати од ветерот, уништија и куќи и над 300 хектари житарици и ниско стеблеста шума.
Во село живеат малку жители и најчесто луѓето доаѓаат за викенди и празници.
Активен е и пожарот кај селото Разловци, во околината на Делчево. Огнот не успелае да го згаснат ниту по воздушен пат. Локализиран е пожарот кој по полноќ се активирал во близина на Стар Дојран.
Причина била запалена депонија, а подоцна заради ветер, пожарот се проширил кон Стар Дојран. Веднаш било реагирано од противпожарната служба на Дојран, а на помош дошле и единиците од Гевгелија, Валандово и Струмица.