Голема полициска акција, се апсат осомничени за пукањето во Александар Палас

Од:

Во тек е голема полициска акција за апсење на лицата кои беа дел од нападот во хотелот „Александар Палас“ пред два дена.

Полициската станица Карпош е под опсада. Сите приоди до неа се блокирани од страна на специјалци со автомати, а секој автомобил што ќе помине го осветлуваат рефлектори.

Засега, според непотврдени информации, уапсени се две од пет лица поврзани со завчерашниот настан. Меѓу оние кои биле повикани на распит во полициската станица Карпош, како што дознаваме неофицијално, се лицата во кои било пукано, бидејќи испраќале заканувачки пораки до полицијата дека не ги заштила за време на инцидентот.

Од МВР за завчерашниот инцидент соопштија дека додека во ресторанот на хотелот седеле Е.И. (21), Е.И. (25), О.Б. (35), К.И. (41) и Љ.Ќ. (25), три лица со маски почнале да пукаат кон нив. Тогаш Љ.Ќ., полициски службеник кој не бил на работа а бил дел од групата, испукал 11 куршуми од службениот пиштол кон нив, по што тие заминале. Повредени лица во инцидентот немаше.

Трагите за напаѓачите се претпоставува дека водат кон скопско Арачиново во чија близина беше и пронајдено возилото што го користеле напаѓачите. Автомобилот „Фолксваген Туарег“ бил целосно пеплосан по нападот, а внатре биле пронајдени две опожарени автоматски пушки марка „калашников“.

Од МВР се уште не излегуваат со официјални информации за приведени или осомничени лица за нападот.

Би можело да ве интересира

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Јанев за акцијата во Куманово: Криминалната група дејствувала повеќе од пет години