Утривана избувна пожар на падините на Скопска Црна Гора во атарот на село Виниче, информира Дирекцијата за заштита и спасување.
На терен дејствува скопската противпожарна бригада, а се ангажирани и 50 лица од локалната самоуправа. Гори ниско стеблеста деградирана шума, а бидејќи пожарот и покрај ангажманот, се шири, издадена е наредба за полетување на противпожарните авиони на Дирекцијата на заштита и спасување.