Голем пожар избувна попладнево над Галичник. Според информациите зафатена е борова шума, а куќите не се загрозени.
Од месната заедница Галичник соопштија дека пожарот избувнал над хотелот „Неда“, а за состојбата известени се надлежните органи.
„Засега гори само шума, нема опасност за куќите“, велат од селото.
Во координација со Армијата и Центарот за управување со кризи, на пат е хеликоптер за гаснење пожар. На пат се и екипи од противпожарната служба, а на терен е екипа на Национален парк.