Во Неготино денеска започна традиционалната тридневна стопанско туристичка манифестација „Неготинско панаѓур”, на која присуствуваат голем број гости од земјава и од странство. По примерот на други локални самоуправи општина Неготино годинава определи посебни паркинг места за деновите од неготинскиот панаѓур.
– Сега се спроведува во дело одлуката која ја изгласаа советниците во Советот на општина Неготино. Во времениот сообраќаен проект се вклучени покрај вработени во локалната самоуправа и работници на неготинското јавно претпријатие „Комуналец”. Определени се осум локации на кои ќе може да се паркира. На улиците Маршал Тито и Партизанска, старата гимназија, во близина на основните општински училишта „Гоце Делчев” и „Страшо Пинџур”, изјави општинскиот комунален инспектор Бранко Велјанов.
Локациите се обележани, а има и лица задолжени да ги упатуваат гостите кон слободните паркинг места. За автомобил паркинг место чини 50 денари, додека за камион или комбе 100 денари