Годишнина од раѓањето на Гоце Делчев

Од:

Во земјава денеска се одбележуваат 149 години од раѓањето на револуционерот Гоце Делчев, визионерот, кој пред повеќе од еден век го разбра светот како поле за културен натпревар на народите.

По тој повод, на неговиот гроб во црквата „Св. Спас“ во Скопје ќе биде одржана панихида, повеќе делегации ќе положат цвеќе.

Гоце Делчев е роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата.

Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија. На 4 мај во 1903 бил убиен од турска војска во селото Баница, на пат кон Сер.

Саркофагот со посмртните останки на Гоце Делчев од 1946 година се наоѓа во дворот на црквата „Св. Спас“ во Скопје.

Би можело да ве интересира

Пендаровски и Дуда положија венци на гробот на Гоце Делчев во црквата Св. Спас

А1он

Гоце Делчев е еден од најсилните симболи во нашата заедничка историја, вели Борисов

Жарко Настоски

ВИДЕО: Владина делегација оддаде почит и положи цвеќе на гробот на Гоце Делчев

Ана Ололовска

Одбележани 118 години од смртта на македонскиот револуционер и борец за слобода Гоце Делчев

Ана Ололовска

Сто и осумнаесет години од загинувањето на Гоце Делчев

Ана Ололовска

Чиј е Гоце Делчев: Бугарски европратеник со навреди под статусот на Заев, се вмеша и Мицкоски

Кристијан Ландов