Скопјани како и големиот број странски туристи, кои ја посетиле македонската метропола, оваа година фрлиле помалку парички во фонтаната „Воин на коњ“ на плоштадот Македонија.
Лани, кога општина Центар ја затвори фонтаната, беа собрани 2.000 евра од паричките, кои беа донирани во хуманитарни цели. Но, годинава граѓаните фрлиле помалку парички за среќа, велат од општината Центар.
Од понеделник фонтаната ќе биде затворена поради студеното време, а ќе биде покриена со специјално платно, кое ќе ги заштити системот за водни ефекти и мозаикот на фонтаната.