Поранешниот градоначалник на Росоман, Гоце Величковски е исклучен од редовите на СДСМ.
Ваква одлука донел извршниот одбор на огранокот на СДСМ во Росоман поради тоа што Величковски со кандидирањето за градоначалник и покрај одлуката на партијата за бојкот, го повредил статутот на партијата, јави Утрински весник.
– Гоце Величковски беше градоначалник на Росоман од редовите на СДСМ во два мандати, а во 2009 година се бореше за трет мандат но ги загуби изборите. Сега е кандидат за градоначалник од партијата Народно движење за Македонија. Ова е негова лична одлука и ОО на СДСМ Росоман не ја поддржува – велат од општинската организација на СДСМ.