Ѓорѓиев: Почнува концесионирањето во здравството

Од:

Владата оди чекор напред во реализација на проектот здравствена мрежа. Донесе одлука за доделување три концесии во областа на хирургијата, неврологијата и офталмологијата.

„Ќе се доделат концесии за вршење здравствени услуги од областа на хирургијата на секундарно ниво во Вардарскиот регион, за вршење здравствени услуги од областа на неврологијата на секундарно ниво во Пелагонискиот регион и за вршење здравствени услуги од областа на офталмолошката хирургија на ниво на Република Македонија“, информира на денешната прес-конференција владиниот портпарол Александар Ѓорѓиев.

На ниво на Република Македонија има 13 установи кои имаат договор со Фондот за офталмолошка хирургија, од кои две во приватно здравство, а останатите во јавното здравство. На терциерно ниво е само Клиниката за офталмологија, а сите други се на секундарно ниво.

Со концесионирањето, како што рече Ѓорѓиев, се задоволуваат потребите на населението, се дава нов квалитет во вршењето на дејноста и се воспоставуваат еднакви критериуми за конкурентност меѓу јавното и приватното здравство, а со цел подобро здравство за граѓаните. Повод за почнување постапка за доделување на овие концесии, додаде, е тоа што направените анализи покажале дека постојните здравствени установи од овие области не ги задоволуваат потребите на населението на подрачјето за кое се доделува концесијата, или, пак, се недоволно согласно утврдениот број здравствени установи.

Постапката за концесија ќе почне до првата декада на август годинава, а може и порано. Ќе се спроведе со отворен повик, а минималниот број понудувачи треба да биде најмалку еден. Доделувањето на коцесијата ќе се спроведе во рок од 120 дена од денот на објавувањето.

Концесијата ќе се додели на најповолниот понудувач, кој ќе ги исполни условите и ќе понуди финансиски најповолна понуда, односно највисок месечен износ за надомест за концесијата или економски најповолна понуда, односно изведбените и функционалните барања кои вклучуваат квалитет, цена на работите и услугите, тековни трошоци, економска исплатливост во однос на трошоците.

Коцесијата ќе се додели  за период од 10 години, а треба да почне од 1 јануари 2013 година.

Би можело да ве интересира

Османи: Владата предводена од Мицкоски сака да ги врати Албанците на нивните периферни позиции од пред Рамковниот договор

Горан Наумовски

Мицкоски: Веднаш по изборите ќе има реконструкција на Владата

Митева: ДУИ кога e на власт работи на еден начин, а кога е во опозиција бара нешто друго

Левица: Додека со донации се лечат повредените од Кочани – владата на ДПМНЕ троши милиони за кафе и ЕКСПО 2027

Горан Наумовски

(ВИДЕО) Јанковиќ: Молк во Владата по објавувањето на скандалот со милионските проневери во Еразмус+

Левица: Инфлацијата јаде, владата молчи