Владата го има добиено писмото од Европската енергетска заедница (ЕЕЗ) за Јужен тек, ќе го анализира и ќе се произнесе околу сите моменти.
– Ваква процедура и комуникација со ЕЕЗ е стандардна и според нашите информации, за оваа тема се реагира со барање за дообјаснување до сите земји низ кои поминува Јужен тек меѓу кои и земји членки на ЕУ. Ние го имаме добиено писмото од ЕЕЗ, го анализираме и ќе се произнесеме околу сите моменти. Договорот што Македонија го има потпишано со Русија за Јужен тек суштински не се разликува од договорите кои ги имаат потпишано и другите земји низ кои поминува Јужен тек, изјави за МИА владиниот портпарол Александар Ѓорѓиев.