(ВИДЕО) Ѓорчев: Минатата година, 10.000 граѓани се иселиле само во Германија

Од:

Околу 10.000 граѓани во 2019 година добиле работни визи и заминале во Германија, рече опозицискиот пратеник Владимир Ѓорчев, кој додаде дека ова е фрапантна бројка, ако се земе предвид дека граѓаните ја напуштиле државата и по други основи. Тој вели дека со иселувањето државата доживеала невиден егзодус при што освен во Германија, граѓаните заминувале и во Скандинавија, Америка и Австралија.

„Ова е невиден пораз на владините политики. Показател на политиките на пустошење, празнење на државата. Ова се податоци кои ги соопшти заменикот амбасадор на Германија Ото Граф. И оваа бројка од 10.000 заминати во Германија е загрижувачка. Од секој дел на државата се иселуваат и од Пелагонија и од Полог и од Скопје од сите националности. Ако се додаде на тоа дека има катастрофални капитални инвестиции, реално е напуштањето на младите од државата. Заев велеше дојде живот во Македонија, Скопје, Гостивар… Но, по се изгледа за граѓаните во овие 3 години дојде животот за нив во Германија, Америка, Скандинавија”, рече Ѓорчев.

Тој додава дека државата е во рецесија во однос на наталитетот при што, во 2019 година биле срушени рекордите во негативен природен прираст.

„Во 2016 година во првите 9 месеци имаме статистика од 17.400 родени деца. Во 2019 за истиот период се родени 14.600.Ова е огромен пад на наталитет, пад на животот за 16%.Ако на ова се додаде дека се помалку имаме ученици во основни и средни училишта, помалку студенти. Македонија доживува дефицит на животот“, рече Ѓорчев.

Би можело да ве интересира

ВМРО-ДПМНЕ: Коалицијата помеѓу СДСМ и БЕСА е коалиција за продолжување на криминалното владеење

Ана Ололовска

(ВИДЕО) Ѓорѓиевски: Народот силно покажа дека Луј Витон судството мора целосно да се демонтира

Ана Ололовска

(ВИДЕО) Мицкоски: Мали шансите за предизборно коалицирање со албанска партија

Ана Ололовска

СДСМ: ВМРО-ДПМНЕ да престане да шири неоснована паника, ситуацијата е под контрола

Ана Ололовска

(ВИДЕО) Васев: ВМРО-ДПМНЕ ги дели граѓаните, СДСМ ги обединува во едно општество за сите

Ана Ололовска

(ВИДЕО) Стојаноска: Владата неподготвена за корона, ниту реагира на високата цена на маските, ниту има капацитет за карантин

Ана Ололовска