Македонскиот фудбалски репрезентативец, Ѓоко Зајков кој е затекнат во Украина каде што настапува во Полтава во тимот на Ворскла вели дека странците од клубот добиле најави за евакуација до некоја од границите.
“Градот Полтава каде што се наоѓаме не беше цел на напад.Во овој момент сме безбедни. Од клубот има најава за странците кои сме тука да се организира превоз со мини бус и евентуално да бидеме спроведени до некоја граница. Но, мора да се создадат услови. Во моментот воздушниот простор е затворен, а нема ниту возови. Ги чекаме инструкциите од клубот. Во градот моментално работат само маркети и многу мал број на ресторани. Доколку има некои нови информации ќе се обидам да пренесам” – вели Зајков во изјава што ја пренеса ФФМ.
Украина од утрово е по воена напад од Русија.