Ѓилас за А1он: Будалаштина е што ме поврзуваат со случајот „Рекет“

Од:

Еден од најистакнатите лидери на српската опозиција и „Сојуз за Србија“, Драган Ѓилас, за А1он вели дека ќе поднесе тужба против српските медиуми кои го обвинуваат дека заедно со Вук Јеремиќ и Бошко Обрадовиќ зел неколку стотици илјади евра од „рекетот“ на Боки 13 за финансирање на протестите „1 од 5 милиони“ против владејачката СНС и претседателот на Србија, Александар Вучиќ.

„Јас не ги демантирам Курир, Информер, Ало, Пинк и останатите пропагандни гласила. Посебно не за вакви будалаштини. Само тужам, како што ќе биде и за ова“, вели Ѓилас за А1он.

Утрово во српски „Курир“ осамна текст со наслов „Кој се офајди од аферата „Рекет“ во кој се обвинуваат лидерите на „Сојуз за Србија“, Драган Ѓилас, Бошко Обрадовиќ и Вук Јеремиќ дека преку советникот на премиерот Зоран Заев, Зоран Башановиќ земале неколку стотици илјади евра за финансирање на протестите, а во неколку наврати и лично го посетиле Скопје.

Минатата недела во српските медиуми исто така излезе информација дека Бојан Јовановски е во емотивна врска со српски политичар, што наводно било потврдено при истрагата за случајот „Рекет“ кога во мобилниот телефон на Боки 13 наводно се пронајдени експлицитни фотографии, преписки и две видео снимки со политичарот.

Од обвинителство за А1он ја демантираа оваа информација, велат дека засега не се пронајдени никакви фотографии ниту пак видео записи на Боки 13 со српски политичар.

Минатата недела по барање на обвинителството, Кривичниот суд им го продолжи притворот на двајцата осомничени во случајот „Рекет“ Бојан Јовановски- Боки 13 и Зоран Милевски Кичеец за нови 30 дена. Во Јавното обвинителство се уште трае истражната постапка за случајот „Рекет“. До сега беа сослушани обвинителите Лиле Стефанова, Бурим Рустеми и Елизабета Јосифовска, како и осомничениот Зоран Милевски Кичеец, а за утре е закажан распитот на Специјалната јавна обвинителка Катица Јанева.

Би можело да ве интересира

Нова снимка за Мицкоски: Се борам да ваквото СЈО не помине, автоматски неговиот најголем предмет, тој ‘Империја’

Кристијан Ландов

Нова аудио бомба открива дека Мицкоски се среќавал со Орце Камчев: Мене ме имаат сликано како влегувам таму

Ландов

Дуковски: Јовановски поднесе кривични пријави за измама, изнуда, лажен исказ, можеби торутира и несовесно лекување

А1он

Бојан Јовановски поднесе пријави во Обвинителство

Ана Ололовска

Затворски казни од девет и седум години за „Рекет“, незадоволни и одбраната и обвинителството

Ана Ололовска

Облеката на Боки 13 и гарнитурата на Јанева ќе ги задржи државата, а Камчев ќе треба сам да си бара да му вратат 1.5 милиони евра

Кристијан Ландов