Општина Гевгелија доби околу 170.000 евра за уредување на излетничкото место „Динќут“ во рамки на проект од ИПА програмата за прекугранична соработка со Бугарија, кој ќе се реализира заедно со општина Банско, потврдија денеска од службата за односи со јавноста.
Проектот предвидува повеќе зафати и содржини за уредување на излетничкото место кое ќе се претвори во простор за забава, спорт и рекреација на гевгеличани. За таа цел проектот предвидува изградба на амфитеатар со подвижно пано за летни кино проекции, поставување справи за фитнес и гимнастика, простор за деца со поставени играчки, вештачка карпа за искачување и игралиште за мал фудбал.
Покрај ова ќе биде уредена и трим патека за трчање и вержбање за повозрасната група посетитетли која ќе биде опремена со реквизити изработени од природни материјали.Во рамки на излетничкото место кое се наоѓа на неполн километар од последната населба на градот, ќе бидат поставени и три летниковци со маси и клупи.