Општина Гевгелија со свои активности се вклучи во одбележувањето на „Европската недела на мобилност“, што се одвива до 22 септември во организација на Министерството за животна средина и просторно планирање.
Сублимирана во слоганот „Комбинирај и движи се“, манифестацијата е организирана во духот на зелената, споделена и интелегентна мобилност во чии што рамки денеска во Гевгелија се спроведе сообраќајно воспитна акција за заштита на децата во сообраќајот.
– Децата од предучилишната возраст, за кои беше наменета акцијата, имаа прилика да се запознаат со основните сообраќајни правила за движење на улиците. Цело време со нив беа сообраќајните полицајци кои со трпение и љубов ги учеа децата како правилно да се движат по улица, рекоа организаторите.
Според предвидените активности, во сабота во Гевгелија од 10 до 11 часот ќе се одржи манифестацијата „Ден без автомобили“ со дефиле на велосипедисти во кое можат да учествуваат сите граѓани на општина Гевгелија.