Досегашната успешна соработка меѓу општините Гевгелија и Пазин од Хрватска ќе резултира со нивно збратимување, што ќе се одржи на Денот на општина Гевгелија-7 Ноември.
На збратимувањето му претходеше потпишана Иницијатива за воспоставување соработка што ја потпишаа градоначалниците Франгов и Круниќ минатата година.
Од општина Гевгелија информираат дека одлуката за збратимување советниците ја донеле во февруари годинава и оти до крајот на овој месец таква одлука треба да донесе и Советот на Пазин, со што ќе бидат исполнети сите услови за потпишување Меморандум за соработка и збратимување на Гевгелија и Пазин.