Успешната соработка на општина Гевгелија со друштвото „Пакомак“ од Скопје на полето на селектирано собирање на комуналниот отпад ќе продолжи со донација од страна на „Пакомак“ на 20 зелени пластични контејнери за собирање стакло.
Контејнерите за собирање стакло ќе бидат во форма на игло куќички, со зафатнина од 1,5 метар кубен и од страна на јавното општинско претпријатие „Комуналец“ ќе бидат распоредени на неколку локации во градот.
Од општината велат дека со оваа донација всушност продолжува акцијата за селективно и рециклирано собирање на отпадот затоа што претходно во Гевгелија беа поставени контејнери за собирање на хартија, пластика и друг комунален оптпад.