Европскиот комесар за проширување Штефан Фуле на денешниот состанок со македонскиот министер за надворешни работи Никола Попоски и вицепримерот за европски прашања, Теута Арифи го потврдил задоволството од зацртаната европска агенда на македонските власти.
Според Поповски, на средбата со Фуле била спомената и значајноста од тоа што во претстојниот период за време на кипарското претседателствување со Советот на ЕУ, во чии рамки е и утрешниот Совет за стабилизација и асоцијација на Македонија и ЕУ, на кој според Попоски ќе може да се дефинираат сите остварувања што би требало да ја водат Република Македонија кон премин во Втората фаза од Советот и кои би ни ја обезбедиле поддршката кај земјите-членки на ЕУ.
„Ние тука настапуваме со исклучително отворен и конструктивен став, а тоа е дека сакаме да градиме клима во која реално ќе се поддржува процес на Македонија во Унијата. Ние очекуваме дека нашиот јужен сосед ќе ги препознае овие напори и со конструктивна реторика и носење на одлуки кои се концентрирани на заедничките придобивки од напредокот на Македонија во ЕУ, дека може да даде конкретен придонес. И комесарот Фуле очекува дека можеме да ги материјализираме оние остварувања што се значајни за нас, но и за Унијата. Нам ни е целта овој процес да придонесе за градење на подобра клима на Балканот кој би бил целосно интегриран во Европската унија“, рече Поповски.